جہاں کو چھوڑ دیا تھا جہاں نے یاد کیا

جہاں کو چھوڑ دیا تھا جہاں نے یاد کیا

بچھڑ گئے تو بہت کارواں نے یاد کیا

ملا نہیں اسے شاید کوئی ستم کے لئے

زہ نصیب مجھے آسماں نے یاد کیا

وہ ایک دل جو کڑی دھوپ میں جھلستا تھا

اسے بھی سایۂ زلف بتاں نے یاد کیا

پناہ مل نہ سکی ان کو تیرے دامن میں

وہ اشک جن کو مہ و کہکشاں نے یاد کیا

خیال ہم کو بھی کچھ آشیاں کا تھا لیکن

قفس میں ہم کو بہت آشیاں نے یاد کیا

ہمارے بعد بہائے کسی نے کب آنسو

ہم اہل درد کو ابر رواں نے یاد کیا

غم زمانہ سے فرصت نہیں مگر پھر بھی

مجیدؔ چل تجھے پیر مغاں نے یاد کیا

jahan ko chhor diya tha jahan ne yad kiya

bichhar gae to bahut karwan ne yad kiya

mila nahin use shayad koi sitam ke liye

zeh nasib mujhe asman ne yad kiya

wo ek dil jo kari dhup mein jhulasta tha

use bhi saya-e-zulf-e-butan ne yad kiya

panah mil na saki un ko tere daman mein

wo ashk jin ko mah-o-kahkashan ne yad kiya

khayal ham ko bhi kuchh ashiyan ka tha lekin

qafas mein ham ko bahut ashiyan ne yad kiya

hamare baad bahae kisi ne kab ansu

ham ahl dard ko abr-e-rawan ne yad kiya

gham-e-zamana se fursat nahin magar phir bhi

majid chal tujhe pir-e-mughan ne yad kiya