جہاں تیغ ہمت علم دیکھتے ہیں

جہاں تیغ ہمت علم دیکھتے ہیں

محالات کا سر قلم دیکھتے ہیں

جو بیٹھے تھے یاں پا بدامان ہستی

انہیں سر بہ حیب عدم دیکھتے ہیں

کمالات صانع پہ جن کی نظر ہے

وہ خوبی‌ مصنوع کم دیکھتے ہیں

نہیں مبتلا جو تن آسانیوں میں

انہیں دم بدم تازہ دم دیکھتے ہیں

نہیں جن کو جاہ و حشم کا تکبر

وہی لطف جاہ و حشم دیکھتے ہیں

شکم پروری جن کا شیوہ ہے ان کو

اسیر‌‌‌ جفائے شکم دیکھتے ہیں

بس اے رنگ و بو تو نہ کر ناز بیجا

خدا جانے کیا بات ہم دیکھتے ہیں

اڑاتے ہیں جو رخش ہمت کو سرپٹ

وہ منزل کو زیر قدم دیکھتے ہیں

jahan tegh-e-himmat alam dekhte hain

mahalat ka sar qalam dekhte hain

jo baithe the yan pa badaman-e-hasti

unhen sar ba heb adam dekhte hain

kamalat sane pe jin ki nazar hai

wo khubi masnau kam dekhte hain

nahin mubtala jo tan asaniyon mein

unhen dam badam taza dam dekhte hain

nahin jin ko jah-o-hasham ka takabbur

wahi lutf jah-o-hasham dekhte hain

shikam parwari jin ka shewa hai un ko

asir-e-jafa-e-shikam dekhte hain

bas ai rang-o-bu to na kar naz beja

khuda jane kya bat ham dekhte hain

urate hain jo rakhsh-e-himmat ko sarpat

wo manzil ko zer-e-qadam dekhte hain