جہاں تک ہم ان کو بہلاتے رہے ہیں

جہاں تک ہم ان کو بہلاتے رہے ہیں

وہ کچھ اور بھی یاد آتے رہے ہیں

انہیں حال دل ہم سناتے رہے ہیں

وہ خاموش زلفیں بناتے رہے ہیں

محبت کی تاریکی یاس میں بھی

چراغ ہوس جھلملاتے رہے ہیں

جفا کار کہتے رہے ہیں جنہیں ہم

انہیں کی طرف پھر بھی جاتے رہے ہیں

وہ سوتے رہے ہیں الگ ہم سے جب تک

مسلسل ہم آنسو بھاتے رہے ہیں

بگڑ کر جب آئے ہیں ان سے تو آخر

انہیں کو ہم الٹے مناتے رہے ہیں

وہ سنتے رہے مجھ سے افسانہ غم

مگر یہ بھی ہے مسکراتے رہے ہیں

نہ ہم ہیں نہ ہم تھے ہوس کار حسرت

وہ ناحق ہمیں آزماتے رہے ہیں

jahan tak ham un ko bahlate rahe hain

wo kuchh aur bhi yad ate rahe hain

unhen hal-e-dil ham sunate rahe hain

wo khamosh zulfen banate rahe hain

mohabbat ki tariki-e-yas mein bhi

charagh-e-hawas jhilmilate rahe hain

jafa kar kahte rahe hain jinhen ham

unhen ki taraf phir bhi jate rahe hain

wo sote rahe hain alag ham se jab tak

musalsal ham ansu bhate rahe hain

bigar kar jab ae hain un se to akhir

unhen ko ham ulte manate rahe hain

wo sunte rahe mujh se afsana gham

magar ye bhi hai muskurate rahe hain

na ham hain na ham the hawas kar hasrat

wo nahaq hamen azmate rahe hain