جو مرے ہم عصر ہم صحبت تھے سو سب مر گئے

جو مرے ہم عصر ہم صحبت تھے سو سب مر گئے

اپنی اپنی عمر کا پیمانہ ہر یک بھر گئے

پوچھتے کیا ہو گناہوں کے گرفتاروں کا حال

خشک زاہد تھے سو اس جاگہ سے دامن تر گئے

ہاتھ سے صیاد کے ثابت نہ چھوٹا ایک صید

بال و پر رکھتے تھے سو بے بال اور بے پر گئے

یہ قمار عشق ہے اے بو الہوس بازی نہ جان

سر گئے بہتوں کے اور بہتوں کے اس میں گھر گئے

ہم نے ہستی اور عدم کی آ کے کی ہے خوب سیر

رسم و آئیں دیکھ ان لوگوں کا از بس ڈر گئے

ایک جو آیا اسے لے گود میں دی گھر میں جا

دوسرے کو کاڑھ کر گھر سے زمیں میں دھر گئے

تم کہو اپنی میاں حاتمؔ کہ ہو کس فکر کی

اور جو آئے جنے جیسی بنی سو کر گئے

jo mire ham asr ham sohbat the so sab mar gae

apni apni umr ka paimana har yak bhar gae

puchhte kya ho gunahon ke giraftaron ka hal

khushk zahid the so is jagah se daman tar gae

hath se sayyad ke sabit na chhota ek said

bal-o-par rakhte the so be bal aur be par gae

ye qimar-e-ishq hai ai bu alhawas bazi na jan

sar gae bahuton ke aur bahuton ke is mein ghar gae

ham ne hasti aur adam ki a ke ki hai khub sair

rasm-o-aen dekh un logon ka az bas dar gae

ek jo aya use le god mein di ghar mein ja

dusre ko karh kar ghar se zamin mein dhar gae

tum kaho apni miyan hatim ke ho kis fikr ki

aur jo ae jane jaisi bani so kar gae