ایک پل جا نہ کہوں نین سوں اے نور بصر

ایک پل جا نہ کہوں نین سوں اے نور بصر

ٹک نہ ہو اس دل تاریک سوں اے بدر بدر

تیری اس صبح بنا گوش و خط مشکیں سوں

سیر کرتا ہوں عجب شام و سحر شام و سحر

جل کے میں سرمہ ہوا بلکہ ہوا کاجل بھی

خانۂ چشم میں تجھ پاؤں جو ٹک راہ مگر

راہ داراں لیویں ہر گام میں جیو کا حاصل

ہے گا اس راہ میں اے عمر ابد جاں کا خطر

قبلے سوں مونھ پھرایا ترے مکھ کی جانب

کیا زاہد نے مکے سوں سوئے بت خانہ سفر

چاند سورج کی رکھ عینک کوں سدا پیر فلک

خم ہو کرتا ہے نظر تاکہ دیکھے تیری کمر

ek pal ja na kahun nain sun ai nur-e-basar

tuk na ho is dil-e-tarik sun ai badr badar

teri is subh bana gosh-o-khat-e-mushkin sun

sair karta hun ajab sham-o-sahar sham-o-sahar

jal ke main surma hua balke hua kajal bhi

khana-e-chashm mein tujh paon jo tuk rah magar

rah daran lewen har gam mein jiyo ka hasil

hai ga is rah mein ai umr-e-abad jan ka khatar

qible sun monh pharaya tire mukh ki janib

kiya zahid ne make sun su-e-but khana safar

chand suraj ki rakh ainak kun sada pir-e-falak

kham ho karta hai nazar take dekhe teri kamar