جو کچھ کہ تم سیں مجھے بولنا تھا بول چکا

جو کچھ کہ تم سیں مجھے بولنا تھا بول چکا

بیان عشق کے طومار کوں میں کھول چکا

ازل سیں مجھ کوں دیا درد صانع تقدیر

مرے نصیب کے شربت میں زہر گھول چکا

جنوں کے شہر میں نہیں کم عیار کوں حرمت

میں نقد قلب کوں کانٹے میں دل کے تول چکا

مجھے خرید کیے تم نے کم نگاہی سیں

کمینہ بندۂ بے زر کا آج مول چکا

نہیں رہا سخن آب دار کا موتی

سراجؔ طبع کے سب جوہروں کوں رول چکا

jo kuchh ke tum sin mujhe bolna tha bol chuka

bayan-e-ishq ke tumar kun mein khol chuka

azal sin mujh kun diya dard sane-e-taqdir

mire nasib ke sharbat mein zahr ghol chuka

junun ke shahr mein nahin kam ayyar kun hurmat

main naqd-e-qalb kun kante mein dil ke tol chuka

mujhe kharid kiye tum ne kam nigahi sin

kamina banda-e-be zar ka aj mol chuka

nahin raha sukhan-e-ab dar ka moti

siraj taba ke sab jauhraun kun rol chuka