جو تنگ آ کر کسی دن دل پہ ہم کچھ ٹھان لیتے ہیں

جو تنگ آ کر کسی دن دل پہ ہم کچھ ٹھان لیتے ہیں

ستم دیکھو کہ وہ بھی چھوٹتے پہچان لیتے ہیں

بہ قدر حوصلہ صحرائے وحشت چھان لیتے ہیں

مسافر ہیں سفر کے واسطے سامان لیتے ہیں

خدا چاہے تو اب کے قتل گہہ میں مشکل آساں ہو

ترے بیمار ناحق موت کا احسان لیتے ہیں

کہیں مرقد پہ جاتے ہیں کہیں گھر تک نہیں جاتے

کسی کو جان دیتے ہیں کسی کی جان لیتے ہیں

کدورت تاکہ رہ جائے سب اپنے دامن تر میں

شراب شوق ہم پینے کے پہلے چھان لیتے ہیں

ہماری شاعری زندہ ہوئی اے شادؔ مرنے پر

کہ شائق نقد جاں دے دے کے اب دیوان لیتے ہیں

jo tang a kar kisi din dil pe ham kuchh than lete hain

sitam dekho ke wo bhi chhutte pahchan lete hain

ba qadar-e-hausla sahra-e-wahshat chhan lete hain

musafir hain safar ke waste saman lete hain

khuda chahe to ab ke qatl gah mein mushkil asan ho

tire bimar nahaq maut ka ehsan lete hain

kahin marqad pe jate hain kahin ghar tak nahin jate

kisi ko jan dete hain kisi ki jan lete hain

kudurat take rah jae sab apne daman-e-tar mein

sharab-e-shauq ham pine ke pahle chhan lete hain

hamari shayari zinda hui ai shad marne par

ke shaiq naqd-e-jan de de ke ab diwan lete hain