جو تجھے دیکھ کے مبہوت ہوا

جو تجھے دیکھ کے مبہوت ہوا

خون دل اس کو سدا قوت ہوا

جو موا دیکھ ترے عارض کوں

شاخ گل کا اسے تابوت ہوا

جو اٹھا مجلس ناسوتی میں

محرم خلوت لاہوت ہوا

نوک مژگان صنم حق میں مرے

تیز جوں نیزۂ رجپوت ہوا

اشک خونیں شب ہجراں کا سراجؔ

روغن شعلۂ یاقوت ہوا

jo tujhe dekh ke mabhut hua

khun-e-dil us ko sada quwwat hua

jo mua dekh tire ariz kun

shakh-e-gul ka use tabut hua

jo utha majlis-e-nasuti mein

mahram-e-khalwat-e-lahut hua

nok-e-mizhgan sanam haq mein mire

tez jun neza-e-rajput hua

ashk-e-khunin shab-e-hijran ka siraj

roghan-e-shola-e-yaqut hua