جو تمہارے لب جاں بخش کا شیدا ہوگا

جو تمہارے لب جاں بخش کا شیدا ہوگا

اٹھ بھی جائے گا جہاں سے تو مسیحا ہوگا

وہ تو موسیٰ ہوا جو طالب دیدار ہوا

پھر وہ کیا ہوگا کہ جس نے تمہیں دیکھا ہوگا

قیس کا ذکر مرے شان جنوں کے آگے

اگلے وقتوں کا کوئی بادیہ پیما ہوگا

آرزو ہے مجھے اک شخص سے ملنے کی بہت

نام کیا لوں کوئی اللہ کا بندا ہوگا

لعل لب کا ترے بوسہ تو میں لیتا ہوں مگر

ڈر یہ ہے خون جگر بعد میں پینا ہوگا

jo tumhare lab-e-jan bakhsh ka shaida hoga

uth bhi jaega jahan se to masiha hoga

wo to musa hua jo talib-e-didar hua

phir wo kya hoga ke jis ne tumhen dekha hoga

qais ka zikr mire shan-e-junun ke age

agle waqton ka koi badiya paima hoga

arzu hai mujhe ik shakhs se milne ki bahut

nam kya lun koi allah ka banda hoga

laal-e-lab ka tire bosa to main leta hun magar

dar ye hai khun-e-jigar baad mein pina hoga