جنم اسٹمی

وزیر چند نے پوچھا ظفر علی خاں سے

شری کرشن سے کیا تم کو بھی ارادت ہے

کہا یہ اس نے وہ تھے اپنے وقت کے ہادی

اسی لیے ادب ان کا مری سعادت ہے

فساد سے انہیں نفرت تھی جو ہے مجھ کو بھی

اور اس پہ دے رہی فطرت مری شہادت ہے

ہے اس وطن میں اک ایسا گروہ بھی موجود

شری کرشن کی جو کر رہا عبادت ہے

مگر فساد ہے اس کی سرشت میں داخل

بچارے کیا کریں پڑ ہی چکی یہ عادت ہے

wazir chand ne puchha zafar ali khan se

shiri krishn se kya tum ko bhi iradat hai

kaha ye us ne wo the apne waqt ke hadi

isi liye adab un ka miri saadat hai

fasad se unhen nafrat thi jo hai mujh ko bhi

aur us pe de rahi fitrat miri shahadat hai

hai is watan mein ik aisa giroh bhi maujud

shiri krishn ki jo kar raha ibadat hai

magar fasad hai us ki sarisht mein dakhil

bachare kya karen par hi chuki ye adat hai