آج دل بر کے نام کو رٹ رٹ

آج دل بر کے نام کو رٹ رٹ

رو دیا لا علاج ہو پٹ پٹ

ظلم سے تیرے دل مرا کھٹ کھٹ

پارہ پارہ ہوا جگر پھٹ پھٹ

اے میاں دیکھ تجھ کمر میں تیغ

ٹکڑے ٹکڑے جگر ہوا کٹ کٹ

مو سے باریک تر ہوا ہوں ضعیف

تیری زلفوں کی دیکھ کر لٹ لٹ

ہاتھ دکھلا کے جی نکال لیا

یہ کلا دیکھ کر گئے نٹ نٹ

سیلی بازوں کے ہاتھ سے حاتمؔ

دل ترا مفت میں گیا بٹ بٹ

aj dil bar ke nam ko rit rit

ro diya la ilaj ho pat pat

zulm se tere dil mira khit khit

para para hua jigar phat phat

ai miyan dekh tujh kamar mein tegh

tukre tukre jigar hua kat kat

mu se barik tar hua hun zaif

teri zulfon ki dekh kar lut lut

hath dikhla ke ji nikal liya

ye kala dekh kar gae nat nat

sili bazon ke hath se hatim

dil tira muft mein gaya bat bat