جس کے ایماں پر بت کافر ہنسے

جس کے ایماں پر بت کافر ہنسے

اللہ اللہ وہ ہنسے کیونکر ہنسے

حسن ماہ و ماہوش سحر آفریں

ہائے جادوگر پہ جادوگر ہنسے

قلقل مینا دکھائے جب اثر

میں ہنسوں ساقی ہنسے ساغر ہنسے

کیونکر آتی ہے ہنسی کس کو خبر

ان پہ میں حیراں ہوں جو مجھ پر ہنسے

اک پتے کی بات کہتا ہوں سنو

کوئی ہنس کر روئے یا رو کر ہنسے

اک پتہ کی بات کہتا ہوں سنو

کوئی ہنس کر روئے یارو کر ہنسے

پھبتیاں کہنے پہ میں آؤں اگر

واعظ ذیشاں سر منبر ہنسے

کیا خبر منظورؔ ہے کس دھیان میں

وہ تو وہ زاہد فرشتوں پر ہنسے

jis ke iman par but kafir hanse

allah allah wo hanse kyunkar hanse

husn mah-o-mahosh sahar afrin

hae jadugar pe jadugar hanse

qulqul mina dikhae jab asar

main hansun saqi hanse saghar hanse

kyunkar ati hai hansi kis ko khabar

un pe main hairan hun jo mujh par hanse

ik patte ki bat kahta hun suno

koi hans kar roe ya ro kar hanse

ik pata ki bat kahta hun suno

koi hans kar roe yaro kar hanse

phabtiyan kahne pe main aun agar

waiz zishan sar mimbar hanse

kya khabar manzur hai kis dhyan mein

wo to wo zahid farishton par hanse