جس کوں پی کا خیال ہوتا ہے

جس کوں پی کا خیال ہوتا ہے

اوس کوں جینا محال ہوتا ہے

خم ابرو کی یاد سیں دل پر

زخم ناخن ہلال ہوتا ہے

چل چمن تیرے فیض قد سے سرو

ہر قدم میں نہال ہوتا ہے

جب میں روتا ہوں کھول کر دل کوں

شہر میں برشگال ہوتا ہے

کون جانے ہے غیر حق تجھ بن

جو کہ حاتمؔ کا حال ہوتا ہے

jis kun pi ka khayal hota hai

os kun jina muhal hota hai

kham-e-abru ki yad sin dil par

zakhm nakhun hilal hota hai

chal chaman tere faiz qad se sarw

har qadam mein nihal hota hai

jab main rota hun khol kar dil kun

shahr mein barshgal hota hai

kaun jane hai ghair haq tujh bin

jo ke hatim ka hal hota hai