جس نے آدم کے تئیں جاں بخشا

جس نے آدم کے تئیں جاں بخشا

خضر کو چشمۂ حیواں بخشا

پیر کنعاں کو دیا درد فراق

یوسف مصر کو زنداں بخشا

تخت برباد سلیماں کا کیا

دیو کو ملک سلیماں بخشا

زینت افلاک کو دی انجم سے

مہر کو نور درخشاں بخشا

زیور حسن کیا چشم حیا

عشق کو دیدۂ حیراں بخشا

کوہ کن کو کمر کوہ دیا

قیس کو دشت کا داماں بخشا

رنگ و بو گل کو دیا گلشن میں

سیر بلبل کو گلستاں بخشا

کفر کافر کے نصیبوں میں لکھا

اہل اسلام کو ایماں بخشا

روز میثاق میں حاتمؔ کے تئیں

چشم گریاں دل بریاں بخشا

jis ne adam ke tain jan bakhsha

khizr ko chashma-e-haiwan bakhsha

pir-e-kanan ko diya dard-e-firaq

yusuf-e-misr ko zindan bakhsha

takht-e-barbad sulaiman ka kiya

dew ko mulk-e-sulaiman bakhsha

zinat aflak ko di anjum se

mehr ko nur-e-darakhshan bakhsha

zewar-e-husn kiya chashm-e-haya

ishq ko dida-e-hairan bakhsha

koh kin ko kamar-e-koh diya

qais ko dasht ka daman bakhsha

rang-o-bu gul ko diya gulshan mein

sair-e-bulbul ko gulistan bakhsha

kufr kafir ke nasibon mein likha

ahl-e-islam ko iman bakhsha

roz-e-misaq mein hatim ke tain

chashm-e-giryan dil-e-buriyan bakhsha