جس کو کچھ دھن ہو کرے ہم سے حقیقت کی بحث

جس کو کچھ دھن ہو کرے ہم سے حقیقت کی بحث

کہ ہمیں جانتے ہیں اہل طریقت کی بحث

قاضیا ہاتھ بڑھا شیشۂ صہبا تو اتار

طاق نسیاں پہ تو رہنے دے شریعت کی بحث

کر دیا مجتہد وقت کو قاتل جھٹ پٹ

ہم نے مسجد میں کل ایسے ہی قیامت کی بحث

بزم رندانہ میں کیا رند و ورع کا چرچا

شیخ صاحب ہے بہت یہ تو حماقت کی بحث

بوعلی ساتھ کوئی بولتے انشاؔ کو سنے

روز ہوتی ہے بہم اہل بلاغت کی بحث

jis ko kuchh dhun ho kare ham se haqiqat ki bahs

ke hamen jante hain ahl-e-tariqat ki bahs

qaziya hath barha shisha-e-sahba to utar

taq-e-nasiyan pe to rahne de shariat ki bahs

kar diya mujtahid-e-waqt ko qatil jhat pat

ham ne masjid mein kal aise hi qayamat ki bahs

bazm-e-rindana mein kya rind-o-waraa ka charcha

shaikh sahab hai bahut ye to himaqat ki bahs

buali sath koi bolte insha ko sune

roz hoti hai baham ahl-e-balaghat ki bahs