جس کوں پیو کے ہجر کا بیراگ ہے

جس کوں پیو کے ہجر کا بیراگ ہے

آہ کا مجلس میں اس کی راگ ہے

کیوں نہ ہوئے دل جل کے خاکستر نمن

آتشیں رو کی محبت آگ ہے

اے دل اس کے زہر سیں وسواس کر

زلف نیں ہے بلکہ کالا ناگ ہے

جب سیں لایا عشق نے فوج جنوں

عقل کے لشکر میں بھاگا بھاگ ہے

طالع سکندری رکھتا سراجؔ

روبرو آئینہ رو کیا بھاگ ہے

jis kun piyo ke hijr ka bairag hai

ah ka majlis mein us ki rag hai

kyun na hue dil jal ke khakistar naman

atishin ro ki mohabbat ag hai

ai dil us ke zahr sin waswas kar

zulf nain hai balke kala nag hai

jab sin laya ishq ne fauj-e-junun

aql ke lashkar mein bhaga bhag hai

tale sikandari rakhta siraj

rubaru aina ru kya bhag hai