جس نے تجھ حسن پر نگاہ کیا

جس نے تجھ حسن پر نگاہ کیا

نور خورشید فرش راہ کیا

حق نے اپنے کرم ستی مج کوں

ملک خوبی کا پادشاہ کیا

مشق غفلت سے تیرہ باطن نے

صفحۂ زندگی سیاہ کیا

حوض کوثر کا تشنہ لب کب ہے

اس زنخداں کی جس نے چاہ کیا

کوچۂ زلف میں گیا جب دل

برگ سنبل کوں زاد راہ کیا

برق خرمن ہے جان دشمن کا

درد سیں جس نے ایک آہ کیا

مت جلا اب سراجؔ کوں ظالم

شعلۂ غم کوں عذر خواہ کیا

jis ne tujh husn par nigah kiya

nur-e-khurshid farsh-e-rah kiya

haq ne apne karam sati maj kun

mulk khubi ka padshah kiya

mashq-e-ghaflat se tira batin ne

safha-e-zindagi siyah kiya

hauz-e-kausar ka tishna lab kab hai

is zanakhdan ki jis ne chah kiya

kucha-e-zulf mein gaya jab dil

barg-e-sumbul kun zad-e-rah kiya

barq-e-khirman hai jan dushman ka

dard sin jis ne ek ah kiya

mat jala ab siraj kun zalim

shola-e-gham kun uzr khwah kiya