جس دن سیں میں یار بوجھتا ہوں

جس دن سیں میں یار بوجھتا ہوں

کب صبر و قرار بوجھتا ہوں

زنداں میں مجھے ہے سیر گلشن

زنجیر کوں ہار بوجھتا ہوں

گلشن میں بغیر وصل گل رو

ہر پھول کوں خار بوجھتا ہوں

تجھ شوق میں دل ہوا ہے طبنور

ہر آہ کوں تار بوجھتا ہوں

از بس کہ ہوا ہوں سب سیں یک رنگ

اغیار کوں یار بوجھتا ہوں

مشتاق ہوں جب سیں سرو قد کا

شمشاد کوں دار بوجھتا ہوں

مانند سراجؔ سوز و غم میں

جلنے کوں بہار بوجھتا ہوں

jis din sin mein yar bujhta hun

kab sabr-o-qarar bujhta hun

zindan mein mujhe hai sair-e-gulshan

zanjir kun har bujhta hun

gulshan mein baghair wasl-e-gul ru

har phul kun khar bujhta hun

tujh shauq mein dil hua hai tibnwar

har ah kun tar bujhta hun

az bas ke hua hun sab sin yak rang

aghyar kun yar bujhta hun

mushtaq hun jab sin sarw qad ka

shamshad kun dar bujhta hun

manind siraj soz-o-gham mein

jalne kun bahar bujhta hun