جب کہا اور بھی دنیا میں حسیں اچھے ہیں

جب کہا اور بھی دنیا میں حسیں اچھے ہیں

کیا ہی جھنجھلا کے وہ بولے کہ ہمیں اچھے ہیں

کس بھروسے یہ کریں تجھ سے وفا کی امید

کون سے ڈھنگ ترے جان حزیں اچھے ہیں

خاک میں آہ ملا کر ہمیں کیا پوچھتے ہو

خیر جس طور ہیں ہم خاک نشیں اچھے ہیں

دل میں کیا خاک جگہ دوں ترے ارمانوں کو

کہ مکاں ہے یہ خراب اور مکیں اچھے ہیں

مجھ کو کہتے ہیں رقیبوں کی برائی سن کر

وہ نہیں تم سے برے بلکہ کہیں اچھے ہیں

بت وہ کافر ہیں کہ اے داغؔ خدا ان سے بچائے

کون کہتا ہے یہ غارت گر دیں اچھے ہیں

jab kaha aur bhi duniya mein hasin achchhe hain

kya hi jhanjhla ke wo bole ke hamen achchhe hain

kis bharose ye karen tujh se wafa ki ummid

kaun se dhang tire jan-e-hazin achchhe hain

khak mein ah mila kar hamen kya puchhte ho

khair jis taur hain ham khak nashin achchhe hain

dil mein kya khak jagah dun tire armanon ko

ke makan hai ye kharab aur makin achchhe hain

mujh ko kahte hain raqibon ki burai sun kar

wo nahin tum se bure balke kahin achchhe hain

but wo kafir hain ke ai dagh khuda un se bachae

kaun kahta hai ye gharat gar den achchhe hain