جب نہ تب سنئے تو کرتا ہے وہ اقرار بغیر
رائے سرب سکھ دیوانہجب نہ تب سنئے تو کرتا ہے وہ اقرار بغیر
گفتگو ہم سے اسے پر نہیں انکار بغیر
بزم میں رات بہت سادہ و پر فن تھے ولے
گرمیٔ بزم کہاں اس بت عیار بغیر
دیکھ بیمار کو تیرے یہ طبیبوں نے کہا
ہو چکی اس کو شفا شربت دیدار بغیر
جان پر آ بنی ہمدم مری خاموشی سے
بات کچھ بن نہیں آتی ہے اب اظہار بغیر
جس کی خاطر کے لئے یار سب اغیار ہوئے
کیوں کہ دیوانہؔ بھلا رہئے اب اس یار بغیر
jab na tab suniye to karta hai wo iqrar baghair
guftugu ham se use par nahin inkar baghair
bazm mein rat bahut sada-o-pur fan the wale
garmi-e-bazm kahan us but-e-ayyar baghair
dekh bimar ko tere ye tabibon ne kaha
ho chuki us ko shifa sharbat-e-didar baghair
jan par a bani hamdam miri khamoshi se
bat kuchh ban nahin ati hai ab izhar baghair
jis ki khatir ke liye yar sab aghyar hue
kyun ke diwana bhala rahiye ab us yar baghair