جب وہ عالی دماغ ہنستا ہے

جب وہ عالی دماغ ہنستا ہے

غنچہ کھلتا ہے باغ ہنستا ہے

ہاتھ میں دیکھ کر ترے مرہم

میرے سینے کا داغ ہنستا ہے

کیا ہوا پھر گئی ہے گلشن کی

صوت بلبل کو زاغ ہنستا ہے

شمع ہر شام تیرے رونے پر

صبح دم تک چراغ ہنستا ہے

شیخ کی دیکھ صورت تقویٰ

آج حاتمؔ ایاغ ہنستا ہے

jab wo ali dimagh hansta hai

ghuncha khulta hai bagh hansta hai

hath mein dekh kar tire marham

mere sine ka dagh hansta hai

kya hua phir gai hai gulshan ki

saut-e-bulbul ko zagh hansta hai

shama har sham tere rone par

subh dam tak charagh hansta hai

shaikh ki dekh surat-e-taqwa

aj hatim ayagh hansta hai