جب سیں دیکھا ہوں یار کی صورت

جب سیں دیکھا ہوں یار کی صورت

گل کوں بوجھا ہوں خار کی صورت

کیوں نہ ہوئے قتل دم بدم عاشق

ہیں بھویں ذو الفقار کی صورت

مجھ کوں آئینۂ تصور ہے

دلبر گلعذار کی صورت

دل نے میرے کیا ہے طوق گلو

زلف گل رو ہے ہار کی صورت

ناامیدی میں جلوۂ دیدار

ہے خزاں میں بہار کی صورت

صفحۂ دل پہ سینہ چاکوں کے

نقش ہے اس نگار کی صورت

کاغذ ابر پر لکھا ہے سراجؔ

دیدۂ اشک بار کی صورت

jab sin dekha hun yar ki surat

gul kun bujha hun khar ki surat

kyun na hue qatl dam badam ashiq

hain bhuwen zu alfaqar ki surat

mujh kun aina-e-tasawwur hai

dilbar gulizar ki surat

dil ne mere kiya hai tauq-e-galo

zulf-e-gul ru hai har ki surat

naummidi mein jalwa-e-didar

hai khizan mein bahar ki surat

safha-e-dil pe sina chakon ke

naqsh hai is nigar ki surat

kaghaz-e-abr par likha hai siraj

dida-e-ashk bar ki surat