جب آیا وُہ یاں دِل ربائی جتانے

جب آیا وُہ یاں دِل ربائی جتانے

تُو کیا کیا لگا خُوش ادائی جتانے

دکھانے لگی زلف اپنی درازی

مژہ بھی لگی کچھ رسائی جتانے

نظیرؔ ایک دِن اس پری رو کہ آگے

گئے ہم جُو کچھ آشنائی جتانے

دیا جام اُور ہم جُو ہچکے تُو بولا

تم آئے ہو نفرت فزائی جتانے

پلا دیں گے ہم تُو میاں فائدہ کیا

لگے تم جُو یاں پارسائی جتانے

jab aya woh yan dil rabai jatane

tu kya kya laga khush adai jatane

dikhane lagi zulf apni darazi

mizha bhi lagi kuchh rasai jatane

nazir ek din us pari ru ke age

gae ham ju kuchh ashnai jatane

diya jam ur ham ju hichke tu bola

tum ae ho nafrat fazai jatane

pila denge ham tu miyan faida kya

lage tum ju yan parsai jatane