جاگیر اگر بہت نہ ملی ہم کوں غم نہیں

جاگیر اگر بہت نہ ملی ہم کوں غم نہیں

حاصل ہمارے ملک قناعت کا کم نہیں

اس ساتھ مہ رخاں کو نہیں کچھ برابری

یوسف سے یہ نگار پری زاد کم نہیں

خوش صورتاں سے کیا کروں میں آشنائی اب

مجھ کو تو ان دنوں میں میسر درم نہیں

دل باندھتے نہیں ہیں ہمارے ملاپ پر

مہ‌ طلعتاں میں مجھ کو تو اب کچھ بھرم نہیں

ملتے ہو سب کے جا کے گھر اور ہم سوں ہو کنار

کچھ ہم تو ان چکوروں سے اے ماہ کم نہیں

ظاہر کے دوست آتے نہیں کام وقت پر

تلوار کاٹ کیا کرے جس کو جو دم نہیں

فائزؔ کو بھایا مصرع یکرنگؔ اے سجن

گر تم ملو گے ان ستی دیکھو گے ہم نہیں

jagir agar bahut na mili ham kun gham nahin

hasil hamare mulk qanaat ka kam nahin

is sath mah rukhan ko nahin kuchh barabari

yusuf se ye nigar pari zad kam nahin

khush suratan se kya karun main ashnai ab

mujh ko to in dinon mein muyassar diram nahin

dil bandhte nahin hain hamare milap par

mah talatan mein mujh ko to ab kuchh bharam nahin

milte ho sab ke ja ke ghar aur ham sun ho kanar

kuchh ham to in chakoron se ai mah kam nahin

zahir ke dost ate nahin kam waqt par

talwar kat kya kare jis ko jo dam nahin

faiz ko bhaya misra-e-yakrang ai sajan

gar tum miloge un sati dekhoge ham nahin