جب آپ سے ہی گزر گئے ہم

جب آپ سے ہی گزر گئے ہم

پھر کس سے کہیں کدھر گئے ہم

کیا کعبہ و دیر و کیا خرابات

تو ہی تھا غرض جدھر گئے ہم

آئے تھے مثال شعلہ سرگرم

جاتے ہوئے جوں شرر گئے ہم

شبنم کی طرح سے اس چمن سے

ہوتے ہی دم سحر گئے ہم

کچھ اپنے تئیں کیا نہ معلوم

کیا آپ سے بے خبر گئے ہم

جز حسرت عمر رفتہ افسوس

کچھ آ کے یہاں نہ کر گئے ہم

شیخی سے گزر ہوئے قلندر

بگڑے تھے پر اب سنور گئے ہم

اس درجہ ہوئے خراب الفت

جی سے اپنے اتر گئے ہم

فیض اس لب عیسوی کا حاتمؔ

بالعکس ہوا کہ مر گئے ہم

jab ap se hi guzar gae ham

phir kis se kahin kidhar gae ham

kya kaaba-o-dair-o-kya kharabat

tu hi tha gharaz jidhar gae ham

ae the misal-e-shola sargarm

jate hue jun sharar gae ham

shabnam ki tarah se is chaman se

hote hi dam-e-sahar gae ham

kuchh apne tain kiya na maalum

kya ap se be khabar gae ham

juz hasrat umr-e-rafta afsos

kuchh a ke yahan na kar gae ham

shekhi se guzar hue qalandar

bigre the par ab sanwar gae ham

is darja hue kharab ulfat

ji se apne utar gae ham

faiz us lab iswi ka hatim

bilaks hua ke mar gae ham