جاوید کے نام

دیارِ عشق میں اپنا مقام پیدا کر

نیا زمانہ، نئے صبح و شام پیدا کر

خدا اگر دل فطرت شناس دے تجھ کو

سکُوتِ لالہ و گُل سے کلام پیدا کر

اُٹھا نہ شیشہ گرانِ فرنگ کے احساں

سفالِ ہند سے مِینا و جام پیدا کر

میں شاخِ تاک ہوں، میری غزل ہے میرا ثمر

مرے ثمر سے میء لالہ فام پیدا کر

مرا طریق امیری نہیں، فقیری ہے

خودی نہ بیچ، غریبی میں نام پیدا کر!

dayar-e-ishq mein apna maqam paida kar

naya zamana, nae subh-o-sham paida kar

khuda agar dil-e-fitrat shanas de tujh ko

sukut-e-lala-o-gul se kalam paida kar

utha na shisha garin-e-farang ke ehsan

sifal-e-hind se mina-o-jam paida kar

main shakh-e-tak hun, meri ghazal hai mera samar

mire samar se me lala fam paida kar

mira tariq-e-amiri nahin, faqiri hai

khudi na bich, gharibi mein nam paida kar!