تپش عشق یا تیر کی گرمی

جس کسی نے ان دنوں کوئی دوا ایجاد کی

بس یہ سمجھو اس نے اک بستی نئی آباد کی

پھوڑ کر سر جیل میں بے چارہ مجنوں مر گیا

اور صدائیں ہر طرف ہیں یار زندہ باد کی

کیا بتاؤں اے طبیبو عشق کی تم کو تپش

بس سمجھ لو جیسے گرمی تیر اور خورداد کی

لیجئے آئے ہیں مجنوں مجھ کو دینے درس عشق

آپ کی صورت تو دیکھو ہت ترے استاد کی

قرض تو بے شک لیا پر ہم نے کس کس سے لیا

یاد کچھ آتا نہیں یہ کیفیت ہے یاد کی

قیس آخر مر گیا سوز درون عشق سے

کھا گئی افسوس اس پودے کو گرمی کھاد کی

دیکھنا آخر سر بازار رسوا کر دیا

روز واعظ تم دعا مانگا کرو اولاد کی

مادر گیتی نے عصمتؔ کچھ مری پروا نہ کی

ساس کرتی ہے خوشامد کہتے ہیں داماد کی

jis kisi ne in dinon koi dawa ijad ki

bas ye samjho us ne ik basti nai abad ki

phor kar sar jel mein be chara majnun mar gaya

aur sadaen har taraf hain yar zinda bad ki

kya bataun ai tabibo ishq ki tum ko tapish

bas samajh lo jaise garmi tir aur khurdad ki

lijiye ae hain majnun mujh ko dene dars-e-ishq

ap ki surat to dekho hat tire ustad ki

qarz to be shak liya par ham ne kis kis se liya

yad kuchh ata nahin ye kaifiyat hai yad ki

qais akhir mar gaya soz-e-darun-e-ishq se

kha gai afsos is paude ko garmi khad ki

dekhna akhir sar-e-bazar ruswa kar diya

roz waiz tum dua manga karo aulad ki

madar-e-giti ne ismat kuchh miri parwa na ki

sas karti hai khushamad kahte hain damad ki