تھی ظرف وضو میں کوئی شے پی گئے کیا آپ

تھی ظرف وضو میں کوئی شے پی گئے کیا آپ

اے شیخ یہاں کون ہے میں چور ہوں یا آپ

وہ جا کے گلے اپنے لگا لائے بلا آپ

ہنس ہنس کے مجھے آپ عبث کوس رہے ہیں

رو رو کے مرے واسطے مانگیں گے دعا آپ

اڑتے بھی اگر ہم تو قفس لے کے نہ اڑتے

صیاد قفس سوئے چمن اڑ کے چلا آپ

جو اٹھ نہیں سکتے تھے گئے اٹھ کے لحد میں

بیٹھے رہیں اب گھر میں لئے عذر حنا آپ

جاتے نہیں ہم مست کبھی اٹھ کے حرم سے

آتی ہے یہاں اڑ کے مئے ہوش ربا آپ

کیوں پھر گئیں کمبخت کی آنکھیں دم آخر

رکھتے تھے بہت غیر سے امید وفا آپ

آواز مری بیٹھی ہے اے حضرت زاہد

کیوں بہر اذاں آج دباتے ہیں گلا آپ

ہلکا سا غلاف ایک تھا صیاد قفس پر

تھی اور نہ کچھ روک رکی مجھ سے صبا آپ

ہم دل میں اتاریں گے یہ کہتی ہیں نگاہیں

آ جائیں کسی طرح لب بام ذرا آپ

قابو کا تمہارے بھی نہیں جوش جوانی

بے چھیڑے ہوئے ٹوٹتے ہیں بند قبا آپ

محتاط ریاضؔ آپ جوانی میں بہت ہیں

پیری میں بھی لوٹیں گے جوانی کا مزا آپ

thi zarf-e-wuzu mein koi shai pi gae kya ap

ai shaikh yahan kaun hai main chur hun ya ap

wo ja ke gale apne laga lae bala ap

hans hans ke mujhe ap abas kos rahe hain

ro ro ke mire waste mangenge dua ap

urte bhi agar ham to qafas le ke na urte

sayyad qafas su-e-chaman ur ke chala ap

jo uth nahin sakte the gae uth ke lahad mein

baithe rahen ab ghar mein liye uzr-e-hina ap

jate nahin ham mast kabhi uth ke haram se

ati hai yahan ur ke mai-e-hosh ruba ap

kyun phir gain kambakht ki ankhen dam-e-akhir

rakhte the bahut ghair se ummid-e-wafa ap

awaz miri baithi hai ai hazrat-e-zahid

kyun bahr-e-azan aj dabate hain gila ap

halka sa ghilaf ek tha sayyad qafas par

thi aur na kuchh rok ruki mujh se saba ap

ham dil mein utarenge ye kahti hain nigahen

a jaen kisi tarah lab-e-bam zara ap

qabu ka tumhare bhi nahin josh-e-jawani

be chhere hue tutte hain band-e-qaba ap

mohtat riyaz ap jawani mein bahut hain

piri mein bhi lautenge jawani ka maza ap