تھا جہاں مدرسۂ شیری و شاہنشاہی

تھا جہاں مدرسۂ شیری و شاہنشاہی

آج اُن خانقہوں میں ہے فقط رُوباہی

نظر آئی نہ مجھے قافلہ سالاروں میں

وہ شبانی کہ ہے تمہیدِ کلیم اللّٰہی

لذّتِ نغمہ کہاں مُرغِ خوش الحاں کے لیے

آہ، اس باغ میں کرتا ہے نفَس کوتاہی

ایک سرمستی و حیرت ہے سراپا تاریک

ایک سرمستی و حیرت ہے تمام آگاہی

صفَتِ برق چمکتا ہے مرا فکرِ بلند

کہ بھٹکتے نہ پھریں ظُلمتِ شب میں راہی

tha jahan madrasa-e-sheri-o-shahnashahi

aj un khanqahon mein hai faqat rubahi

nazar ai na mujhe qafila salaron mein

wo shabani ke hai tamhid-e-kalim allahi

lazzat-e-naghma kahan murgh-e-khush ilhan ke liye

ah, is bagh mein karta hai nafas kotahi

ek sarmasti-o-hairat hai sarapa tarik

ek sarmasti-o-hairat hai tamam agahi

sifat-e-barq chamakta hai mira fikr-e-buland

ke bhatakte na phiren zulmat-e-shab mein rahi