تھا بہانہ مجھے زنجیر کے ہل جانے کا

تھا بہانہ مجھے زنجیر کے ہل جانے کا

چھوڑ دیو اب تو ہوا شوق نکل جانے کا

سنگ دل نے دل نازک کوں مرے چور کیا

کیا ارادہ تھا اسے شیشہ محل جانے کا

مت کرو شمع کوں بدنام جلاتی وو نہیں

آپ سیں شوق پتنگوں کوں ہے جل جانے کا

آفریں دل کوں مرے خوب بجا کام آیا

سچ سپاہی کو بڑا ننگ ہے ٹل جانے کا

شعلہ رو جام بکف بزم میں آتا ہے سراجؔ

گردن شمع کوں کیا باک ہے ڈھل جانے کا

tha bahana mujhe zanjir ke hal jane ka

chhor dew ab to hua shauq nikal jane ka

sang dil ne dil-e-nazuk kun mire chur kiya

kya irada tha use shisha mahal jane ka

mat karo shama kun badnam jalati wo nahin

ap sin shauq patangon kun hai jal jane ka

afrin dil kun mire khub baja kam aya

sach sipahi ko bara nang hai tal jane ka

shola ro jam bakaf bazm mein ata hai siraj

gardan-e-shama kun kya bak hai dhal jane ka