ایام شباب اپنے بھی کیا عیش اثر تھے

ایام شباب اپنے بھی کیا عیش اثر تھے

کہتے ہیں جنہیں عیب وہ اس وقت ہنر تھے

دن رات وہ محبوب میسر تھے کہ جن کی

زلفیں الم شام تھیں رخ رشک سحر تھے

ساقی کے ادھر جام ادھر ناز و ادا سے

جادو نظراں خوش نگہاں پیش نظر تھے

محفل سے جو اٹھتے تھے ذرا ہم تو لپٹ کر

نازک بدناں مو کمراں دست و کمر تھے

ہم راہ گل انداموں کے ہو خرم و خنداں

باغ و چمن و گلشن و بستاں میں گزر تھے

کیا شور تھے کیا زور تھے ہر لحظہ اہا ہا

کیا ولولے کیا قہقہے بے خوف و خطر تھے

دکھلا کے جھمک جاتے رہے دم میں نظیرؔ آہ

کیا جانے وہ دن برق تھے یا مثل شرر تھے

ayyam-e-shabab apne bhi kya aish asar the

kahte hain jinhen aib wo is waqt-e-hunar the

din rat wo mahbub muyassar the ke jin ki

zulfen alam-e-sham thin rukh rashk-e-sahar the

saqi ke idhar jam idhar naz-o-ada se

jadu nazaran khush nigahan pesh-e-nazar the

mahfil se jo uthte the zara ham to lipat kar

nazuk badanan mu kamaran dast-o-kamar the

ham rah gul andamon ke ho khurram-o-khandan

bagh-o-chaman-o-gulshan-o-bistan mein guzar the

kya shor the kya zor the har lahza ahha ha

kya walwale kiya qahqahe be khauf-o-khatar the

dikhla ke jhamak jate rahe dam mein nazir ah

kya jane wo din barq the ya misl-e-sharar the