تیر پر تیر لگے تو بھی نہ پیکاں نکلے

تیر پر تیر لگے تو بھی نہ پیکاں نکلے

یا رب اس گھر میں جو آوے نہ وہ مہماں نکلے

نیک و بد میں جو نہیں جنگ عدم میں تو بھلا

کیوں گل و خار بہم دست و گریباں نکلے

دست چالاک جنوں سینہ کو بھی کر دے چاک

تا کہیں پہلو سے میرے دل نالاں نکلے

کون سی رات وہ ہووے کہ جو آوے شب وصل

کون سا روز وہ ہو جو شب ہجراں نکلے

گلشن دل میں بھی تھی اپنی کچھ الٹی تاثیر

تخم امید جو بوئے گل حرماں نکلے

کر نظر رخ کو ترے کفر سے نکلے کافر

زلف کو دیکھ تری دیں سے مسلماں نکلے

جتنا کہتے ہیں نکلتا ہے حسنؔ گھر سے ترے

غصے ہو ہو یہی کہتا ہے ابھی ہاں نکلے

tir par tir lage tu bhi na paikan nikle

ya rab is ghar mein jo awe na wo mehman nikle

nek-o-bad mein jo nahin jang adam mein to bhala

kyun gul-o-khar baham dast-o-gareban nikle

dast-e-chalak junun sina ko bhi kar de chak

ta kahin pahlu se mere dil-e-nalan nikle

kaun si rat wo howe ke jo awe shab-e-wasl

kaun sa roz wo ho jo shab-e-hijran nikle

gulshan-e-dil mein bhi thi apni kuchh ulti tasir

tukhm-e-ummid jo bu-e-gul-e-hirman nikle

kar nazar rukh ko tire kufr se nikle kafir

zulf ko dekh tiri den se musalman nikle

jitna kahte hain nikalta hai husn ghar se tire

ghusse ho ho yahi kahta hai abhi han nikle