تیری بھنووں کی تیغ کے جو روبرو ہوا

تیری بھنووں کی تیغ کے جو روبرو ہوا

سب عاشقوں کی صف میں وو ہی سرخ رو ہوا

تجھ زلف کے خیال سیں کیوں کر نکل سکوں

ہر پیچ و خم نمونۂ طوق گلو ہوا

تیرے نگہ کا تیر ہے از بس کہ موشگاف

ممنوں ہر ایک زخم سیں میں ہو بہ ہو ہوا

رشتے سیں موج گل کی ہوائے بہار میں

سب بلبلوں کا چاک گریباں رفو ہوا

سورج کا رنگ چاند سری کا ہوا سفید

جس صبح کوں سوار وو خورشید رو ہوا

جس کی زباں میں عشق کے افسوں کا ہے اثر

ہر حرف اس کا موج پری ہو بہ ہو ہوا

برجا ہے گر کہوں میں اسے شیشہ آتشی

چشم سراجؔ آئینۂ شعلہ رو ہوا

teri bhunawon ki tegh ke jo rubaru hua

sab ashiqon ki saf mein wo hi surkh ru hua

tujh zulf ke khayal sin kyun kar nikal sakun

har pech-o-kham namuna-e-tauq-e-galo hua

tere nigah ka tir hai az bas ke mushigaf

mamnun har ek zakhm sin mein hu ba hu hua

rishte sin mauj-e-gul ki hawa-e-bahar mein

sab bulbulon ka chak-e-gareban rafu hua

suraj ka rang chand siri ka hua safed

jis subh kun sawar wo khurshid ru hua

jis ki zaban mein ishq ke afsun ka hai asar

har harf us ka mauj pari hu ba hu hua

barja hai gar kahon main use shisha atishi

chashm-e-siraj aina-e-shola ro hua