تو جو اللہ کا محبوب ہوا ، خوب ہوا

تو جو اللہ کا محبوب ہوا ، خوب ہوا

یا نبی خوب ہوا ، خوب ہوا ، خوب ہوا

حشر میں امت عاصی کا ٹھکانا ہی نہ تھا

بخشوانا تجھے مرغوب ہوا ، خوب ہوا

حسن یوسف میں ترا نور تھا، اے نور خدا

چارہ دیدہ یعقوب ہوا، خوب ہوا

فخر آدم کو نہ ہوتا، جو فرشتہ ہوتا

بنی آدم سے جو منسوب ہوا ، خوب ہوا

داغ ہے روز قیامت، مری شرم اس کے ہاتھ

میں گناہوں سے جو محجوب ہوا ، خوب ہوا

tu jo allah ka mahbub hua, khub hua

ya nabi khub hua, khub hua, khub hua

hashr mein ummat-e-asi ka thikana hi na tha

bakhshwana tujhe marghub hua, khub hua

husn-e-yusuf mein tira nur tha, ai nur-e-khuda

chara dida yaaqub hua, khub hua

fakhr-e-adam ko na hota, jo farishta hota

bani adam se jo mansub hua, khub hua

dagh hai roz-e-qayamat, miri sharm us ke hath

main gunahon se jo mahjub hua, khub hua