ایک تضاد

کوہ سے زریں اذیت کے گزر جانے کے بعد

سرخ نغمہ شام کا اک پل میں مر جانے کے بعد

ہاں پس از فریاد و قلب دہر کی لرزش کے بعد

دن کی تم آلود زرد و لالہ گوں کاوش کے بعد

تیرگی کے داغ دل سے کس طرح دھوؤں گا میں

جاگتے ہی جاگتے پھر صبح تک روؤں گا میں

ہاں وہی میں دن کو جس کی آنکھ تھی اور آفتاب

ہاں وہی میں جس نے دیکھا دہر لبریز حیات

ذہن انسانی مرا کہتا ہے کھا کر پیچ و تاب

دیکھ لے حسن مناظر کو نہیں حاصل ثبات

قلب میخانے کی ہا و ہو کا عادی ہے مرا

کچھ تعلق ہی نہیں مجھ کو سکون سنگ سے

مجھ کو خوش آتی نہیں ہے امن کی شب گوں فضا

روح کو تسکیں ملے گی ایک پیہم جنگ سے

koh se zarrin aziyyat ke guzar jane ke baad

surkh naghma sham ka ik pal mein mar jane ke baad

han pas az fariyad-o-qalb-e-dahr ki larzish ke baad

din ki tum alud zard-o-lala gun kawish ke baad

tirgi ke dagh-e-dil se kis tarah dhounga mein

jagte hi jagte phir subh tak rounga mein

han wahi main din ko jis ki ankh thi aur aftab

han wahi main jis ne dekha dahr labrez hayat

zehn-e-insani mira kahta hai kha kar pech-o-tab

dekh le husn-e-manazir ko nahin hasil sabat

qalb maikhane ki ha-o-ho ka adi hai mira

kuchh taalluq hi nahin mujh ko sukun-e-sang se

mujh ko khush ati nahin hai amn ki shab gun faza

ruh ko taskin milegi ek paiham jang se