تو نے جب بھی آنکھ ملائی
مجید لاہوریتو نے جب بھی آنکھ ملائی
دیدہ و دل پر آفت آئی
یہ سناٹا یہ تنہائی
لیکن تیری یاد تو آئی
دیر و حرم میں جا بیٹھے ہیں
دنیا جن کو راس نہ آئی
ٹوٹ گئیں ساری زنجیریں
زلف ترے رخ پر لہرائی
منزل دور تھی لیکن ہم نے
ایک قدم میں ٹھوکر کھائی
تجھ کو مبارک پھول اور کلیاں
میرا حصہ آبلہ پائی
چھانی ہم نے نگری نگری
صحرا صحرا خاک اڑائی
کون مجیدؔ اس بھید کو جانے
کیا شے کھوئی کیا شے پائی
tu ne jab bhi ankh milai
dida-o-dil par afat ai
ye sannata ye tanhai
lekin teri yad to ai
dair-o-haram mein ja baithe hain
duniya jin ko ras na ai
tut gain sari zanjiren
zulf tire rukh par lahrai
manzil dur thi lekin ham ne
ek qadam mein thokar khai
tujh ko mubarak phul aur kaliyan
mera hissa abla pai
chhani ham ne nagri nagri
sahra sahra khak urai
kaun majid is bhed ko jane
kya shai khoi kya shai pai