تو ہی نہ سنے جب دل ناشاد کی فریاد

تو ہی نہ سنے جب دل ناشاد کی فریاد

پھر کس سے کریں ہم تری بیداد کی فریاد

تیشے کی وہ کھٹ کھٹ کا نہ تھا غلغلہ یارو

کی غور تو وہ تھی دل فرہاد کی فریاد

کل رات کو اس شوخ کی جا کر پس دیوار

اک درد فراہم نے جو بنیاد کی فریاد

سنتے ہی کہا اس نے کہ ہاں دیکھو تو اس جا

کس نے یہ بلکتی ہوئی ایجاد کی فریاد

فریاد نظیرؔ آگے ہی اس کے ہے بہت خوب

واں دیکھنے کا دیکھنا فریاد کی فریاد

tu hi na sune jab dil-e-nashad ki fariyad

phir kis se karen ham tiri bedad ki fariyad

teshe ki wo khit khit ka na tha ghalghala yaro

ki ghaur to wo thi dil farhad ki fariyad

kal rat ko us shokh ki ja kar pas-e-diwar

ik dard faraham ne jo buniyad ki fariyad

sunte hi kaha us ne ke han dekho to is ja

kis ne ye bilakti hui ijad ki fariyad

fariyad nazir age hi us ke hai bahut khub

wan dekhne ka dekhna fariyad ki fariyad