تنہائی

تنہائیِ شب میں ہے حزیں کیا

انجم نہیں تیرے ہم نشیں کیا؟

یہ رفعتِ آسمانِ خاموش

خوابیدہ زمیں، جہانِ خاموش

یہ چاند، یہ دشت و در، یہ کُہسار

فطرت ہے تمام نسترن زار

موتی خوش رنگ، پیارے پیارے

یعنی ترے آنسوؤں کے تارے

کس شے کی تجھے ہوَس ہے اے دل!

قُدرت تری ہم نفَس ہے اے دل!

tanhai-e-shab mein hai hazin kya

anjum nahin tere ham nashin kya?

ye rifat-e-asman-e-khamosh

khwabida zamin, jahan-e-khamosh

ye chand, ye dasht-o-dar, ye kohsar

fitrat hai tamam nastaran zar

moti khush rang, pyare pyare

yaani tire ansuon ke tare

kis shai ki tujhe hawas hai ai dil!

qudrat tiri ham nafas hai ai dil!