تمہیں ایسا بے رحم جانا نہ تھا

تمہیں ایسا بے رحم جانا نہ تھا

غرض کیا کہیں دل لگانا نہ تھا

اگر اس گلی سے نکلتے تو پھر

دو عالم میں اپنا ٹھکانا نہ تھا

لیا امتحان وفا ہی میں جی

ہمیں یاں تلک آزمانا نہ تھا

وہ تھا کون سا تیرا تیر ستم

کہ میں آہ اس کا نشانا نہ تھا

کیا کس کی آنکھوں نے راسخؔ پہ سحر

وہ آگے تو ایسا دوانا نہ تھا

tumhen aisa be rahm jana na tha

gharaz kya kahen dil lagana na tha

agar us gali se nikalte to phir

do alam mein apna thikana na tha

liya imtihan-e-wafa hi mein ji

hamen yan talak azmana na tha

wo tha kaun sa tera tir-e-sitam

ke main ah us ka nashana na tha

kiya kis ki ankhon ne rasikh pe sehr

wo age to aisa dawana na tha