تمہارے ہاتھوں کی انگلیوں کی یہ دیکھو پوریں غلام تیسوں

تمہارے ہاتھوں کی انگلیوں کی یہ دیکھو پوریں غلام تیسوں

غرض کہ غش ہے اگر نہ مانو تو جھٹ اٹھا لے کلام تیسوں

امام بارہ بروج بارہ عناصر و جسم و روح اے دل

یہی تو سرکار حق تعالی کی ہیں مدار المہام تیسوں

نہیں عجائب کچھ آنکھ ہی میں رطوبتیں تین سات پردے

عقول دس مدرکات دس ہیں سو کرتے رہتے ہیں کام تیسوں

علوم چودہ مقولہ دس اور جہات ستہ بنائے اس نے

امور دنیا کو تاکہ پہنچایں خوب سا انصرام تیسوں

بلائیں کالی ہیں اس پری بن یہ تیسوں راتیں کچھ ایسی انشاؔ

کہ ہر مہینے کے دن بھی جن کو کرے ہیں جھک کر سلام تیسوں

tumhare hathon ki ungliyon ki ye dekho poren ghulam tison

gharaz ke ghash hai agar na mano to jhat utha le kalam tison

imam bara buruj bara anasir-o-jism-o-ruh ai dil

yahi to sarkar haq taala ki hain madar almaham tison

nahin ajaib kuchh ankh hi mein ratubaten tin sat parde

uqul das mudrikat das hain so karte rahte hain kam tison

ulum chauda maqula das aur jihat sitta banae us ne

umur duniya ko take pahunchain khub sa insiram tison

balaen kali hain us pari ban ye tison raten kuchh aisi insha

ke har mahine ke din bhi jin ko kare hain jhuk kar salam tison