تمہاری زلف کا ہر تار موہن

تمہاری زلف کا ہر تار موہن

ہوا میرے گلے کا ہار موہن

تصور کر ترا حسن عرق ناک

مری آنکھیں ہیں گوہر بار موہن

دم آخر تلک ہوں کافر عشق

ہوا تار نفس زنار موہن

برہ کا جان کندن ہے نپٹ سخت

دکھا اس وقت پر دیدار موہن

ہمارے مصحف دل کی قسم کھا

کیا ہے ظلم کا انکار موہن

گل عارض کوں تیرے یاد کر کر

ہوا ہے دل مرا گل زار موہن

سراجؔ آتش میں ہے تیرے فراقوں

بجھا جا مہر سیں یک بار موہن

tumhari zulf ka har tar-e-mohan

hawa mere gale ka har mohan

tasawwur kar tira husn-e-araq nak

miri ankhen hain gauhar bar mohan

dam-e-akhir talak hun kafir-e-ishq

hawa tar-e-nafas zunnar mohan

bira ka jan kundan hai nipat sakht

dikha is waqt par didar mohan

hamare mushaf-e-dil ki qasam kha

kya hai zulm ka inkar mohan

gul-e-ariz kun tere yad kar kar

hua hai dil mira gul zar mohan

siraj atish mein hai tere firaqon

bujha ja mehr sin yak bar mohan