تمام عمر نمک خوار تھے زمیں کے ہم

تمام عمر نمک خوار تھے زمیں کے ہم

وفا سرشت میں تھی ہو رہے یہیں کے ہم

نکل کے روح ڈنواڈول ہو نہ جائے کہیں

ہزار حیف نہ دنیا کے ہیں، نہ دیں کے ہم

نظر اٹھا کے نہ دیکھا کسی طرف تا عمر

رہے خیال میں اک چشم سرمہ گیں کے ہم

زمیں چھڑائی گئی ہم سے جب بنا کر خاک

یہاں پہ کیا نہ رہے اے صبا کہیں کے ہم

یہاں مکاں ہے تو کیوں آسماں کی سیر کریں

مکیں ہیں شادؔ ازل سے اسی زمیں کے ہم

زمانہ شادؔ ہمیں کیوں بھلا نہیں دیتا

نہ ہجو کے نہ سزاوار آفریں کے ہم

tamam umr namak khwar the zamin ke ham

wafa sarisht mein thi ho rahe yahin ke ham

nikal ke ruh danwadol ho na jae kahin

hazar haif na duniya ke hain, na den ke ham

nazar utha ke na dekha kisi taraf ta umar

rahe khayal mein ik chashm-e-surma gin ke ham

zamin chhurai gai ham se jab bana kar khak

yahan pe kya na rahe ai saba kahin ke ham

yahan makan hai to kyun asman ki sair karen

makin hain shad azal se isi zamin ke ham

zamana shad hamen kyun bhala nahin deta

na hajw ke na sazawar afrin ke ham