تمام عارف و عامی خودی سے بیگانہ

تمام عارف و عامی خودی سے بیگانہ

کوئی بتائے یہ مسجد ہے یا کہ میخانہ

یہ راز ہم سے چھُپایا ہے میر واعظ نے

کہ خود حرم ہے چراغِ حرم کا پروانہ

طلسمِ بے خَبری، کافری و دِیں داری

حدیثِ شیخ و برہِمن فُسون و افسانہ

نصیبِ خطّہ ہو یا رب وہ بندۂ درویش

کہ جس کے فقر میں انداز ہوں کلیمانہ

چھُپے رہیں گے زمانے کی آنکھ سے کب تک

گُہر ہیں آبِ وُلر کے تمام یک دانہ

tamam arif-o-ami khudi se begana

koi batae ye masjid hai ya ke maikhana

ye raz ham se chhupaya hai mir-e-waiz ne

ke khud haram hai charagh-e-haram ka parwana

tilism-e-be khabari, kafiri-o-din dari

hadis-e-shaikh-o-barahman fusun-o-afsana

nasib-e-khitta ho ya rab wo banda-e-darwesh

ke jis ke faqr mein andaz hun kalimana

chhupe rahenge zamane ki ankh se kab tak

guhar hain ab-e-wular ke tamam yak dana