ایسے کی محبت کو محبت نہ کہیں گے

ایسے کی محبت کو محبت نہ کہیں گے

اس عام عنایت کو عنایت نہ کہیں گے

کہئے تو کہوں انجمن غیر کو روداد

کیا اب بھی اسے آپ کرامت نہ کہیں گے

سمجھیں گے نہ اغیار کو اغیار کہاں تک

کب تک وہ محبت کو محبت نہ کہیں گے

جب عربدہ جو تم ہو تو کیوں صبر سمیٹیں

ہم اس میں رقیبوں کی شرارت نہ کہیں گے

ہے یاد ظہیرؔ ان کا شب وصل بگڑنا

وہ تلخیٔ دشنام کی لذت نہ کہیں گے

aise ki mohabbat ko mohabbat na kahenge

is am inayat ko inayat na kahenge

kahiye to kahun anjuman-e-ghair ko rudad

kya ab bhi use ap karamat na kahenge

samjhenge na aghyar ko aghyar kahan tak

kab tak wo mohabbat ko mohabbat na kahenge

jab arbada jo tum ho to kyun sabr sameten

ham is mein raqibon ki shararat na kahenge

hai yad zahir un ka shab-e-wasl bigarna

wo talkhi-e-dushnam ki lazzat na kahenge