تسلیم و رضا

ہر شاخ سے یہ نکتۂ پیچیدہ ہے پیدا

پَودوں کو بھی احساس ہے پہنائے فضا کا

ظُلمت کدۂ خاک پہ شاکر نہیں رہتا

ہر لحظہ ہے دانے کو جُنوں نشوونَما کا

فطرت کے تقاضوں پہ نہ کر راہِ عمل بند

مقصود ہے کچھ اور ہی تسلیم و رِضا کا

جُرأت ہو نمو کی تو فضا تنگ نہیں ہے

اے مردِ خدا، مُلکِ خدا تنگ نہیں ہے!

har shakh se ye nukta-e-pechida hai paida

paudon ko bhi ehsas hai pahnae faza ka

zulmat kada-e-khak pe shakir nahin rahta

har lahza hai dane ko junun nashwonuma ka

fitrat ke taqazon pe na kar rah-e-amal band

maqsud hai kuchh aur hi taslim-o-riza ka

jurat ho numu ki to faza tang nahin hai

ai mard-e-khuda, mulk-e-khuda tang nahin hai!