تصویر و مصور

کہا تصویر نے تصویر گر سے

نمائش ہے مری تیرے ہُنر سے

ولیکن کس قدر نا مُنصفی ہے

کہ تُو پوشیدہ ہو میری نظر سے!

گراں ہے چشمِ بینا دیدہ وَر پر

جہاں بینی سے کیا گُزری شرَر پر!

نظر، درد و غم و سوز و تب و تاب

تُو اے ناداں، قناعت کر خبر پر

خبر، عقل و خِرد کی ناتوانی

نظر، دل کی حیاتِ جاودانی

نہیں ہے اس زمانے کی تگ و تاز

سزاوارِ حدیثِ ’لن ترانی‘

تو ہے میرے کمالاتِ ہُنر سے

نہ ہو نومید اپنے نقش گر سے

مرے دیدار کی ہے اک یہی شرط

کہ تُو پِنہاں نہ ہو اپنی نظر سے

kaha taswir ne taswir gar se

numaish hai miri tere hunar se

walekin kis qadar na munsifi hai

ke tu poshida ho meri nazar se!

giran hai chashm-e-bina dida war par

jahan bini se kya guzri sharar par!

nazar, dard-o-gham-o-soz-o-tab-o-tab

tu ai nadan, qanaat kar khabar par

khabar, aql-o-khirad ki natawani

nazar, dil ki hayat-e-jawidani

nahin hai is zamane ki tag-o-taz

sazawar-e-hadis 'lan tarani'

tu hai mere kamalat-e-hunar se

na ho naumid apne naqsh gar se

mire didar ki hai ik yahi shart

ke tu pinhan na ho apni nazar se