Arooz is now on the App Store, for iPhone and iPad. Download →

All poetry

تجھے نامہ بر قسم ہے وہیں دن سے رات کرنا

Dagh Dehlvi (1831–1905)

تجھے نامہ بر قسم ہے وہیں دن سے رات کرنا

کوئی ایک بات پوچھے تو ہزار بات کرنا

نہیں اور خوف قاصد مگر ایک بات کا ہے

جو رقیب بھی وہاں ہو بہت التفات کرنا

وہ ہو تیز رو نہ پائے کوئی تم کو حضرت دل

رہ‌ دوست میں جو چلنا تو ہوا کو مات کرنا

مرے دل کی قیمت اتنی نہ بڑھاؤ کون لے گا

جو تمہیں نہ جانتا ہو یہ اسی سے گھات کرنا

نکل آئیں گے وہ باہر وہیں شور سن کے اے دل

کبھی ان کے کے گھر پہ جا کر کوئی واردات کرنا

وہ کریم کیا نہیں ہے وہ رحیم کیا نہیں ہے

کبھی داغؔ بھول کر بھی نہ غم نجات کرنا