تدبیر ہمارے ملنے کی جس وقت کوئی ٹھہراؤ گے تم

تدبیر ہمارے ملنے کی جس وقت کوئی ٹھہراؤ گے تم

ہم اور چھپیں گے یہاں تک جی جو خوب ہی پھر گھبراؤگے تم

بیزار کرو گے دل ہم سے یا منت در سے روکو گے

وہ دل تو ہمارے بس میں ہے کس طور اسے سمجھاؤ گے تم

گر جادو منتر سیکھو گے تو سحر ہماری نظروں کا

اس کوچے میں بٹھلاویں گے پھر کہیے کیوں کر آؤ گے تم

گر چھپ کر دیکھنے آؤ گے ہم اپنے بالا خانے کے

سب پردے چھوڑے رکھیں گے پھر کیوں کر دیکھنے پاؤ گے تم

گر جادو منتر سیکھو گے تو سحر ہماری نظروں کا

تاثیر کو اس کی کھو دے گا کچھ پیش نہیں لے جاؤ گے تم

تصویر اگر منگواؤ گے تو دیکھ ہماری صورت کو

حیران مصور ہووے گا پھر رنگ کہو کیا لاؤ گے تم

جو وقت نظیرؔ ان باتوں کی ہم خوب کریں گے ہشیاری

جو حرف زباں پر لاؤ گے تم پھر کیوں کر دکھلاؤ گے تم

tadbir hamare milne ki jis waqt koi thahraoge tum

ham aur chhupenge yahan tak ji jo khub hi phir ghabraoge tum

bezar karoge dil ham se ya minnat dar se rokoge

wo dil to hamare bas mein hai kis taur use samjhaoge tum

gar jadu mantar sikhoge to sahar hamari nazron ka

us kuche mein bithlawenge phir kahiye kyun kar aoge tum

gar chhup kar dekhne aoge ham apne bala khane ke

sab parde chhore rakhenge phir kyun kar dekhne paoge tum

gar jadu mantar sikhoge to sahar hamari nazron ka

tasir ko us ki kho dega kuchh pesh nahin le jaoge tum

taswir agar mangwaoge to dekh hamari surat ko

hairan musawwir howe ga phir rang kaho kya laoge tum

jo waqt nazir in baton ki ham khub karenge hushyari

jo harf zaban par laoge tum phir kyun kar dikhlaoge tum