ایجاد معانی

ہر چند کہ ایجادِ معانی ہے خدا داد

کوشش سے کہاں مردِ ہُنَر مند ہے آزاد!

خُونِ رگِ معمار کی گرمی سے ہے تعمیر

میخانۂ حافظؔ ہو کہ بُتخانۂ بہزادؔ

بے محنتِ پیہم کوئی جوہر نہیں کھُلتا

روشن شرَرِ تیشہ سے ہے خانۂ فرہاد!

har chand ke ijad-e-maani hai khuda dad

koshish se kahan mard-e-hunar mand hai azad!

khun-e-rag-e-memar ki garmi se hai taamir

maikhana-e-hafiz ho ke butkhana-e-behzad

be mehnat-e-paiham koi jauhar nahin khulta

raushan sharar-e-tesha se hai khana-e-farhad!