تخلیق

جہانِ تازہ کی افکارِ تازہ سے ہے نمود

کہ سنگ و خِشت سے ہوتے نہیں جہاں پیدا

خودی میں ڈُوبنے والوں کے عزم و ہمّت نے

اس آبُجو سے کیے بحرِ بے کراں پیدا

وہی زمانے کی گردش پہ غالب آتا ہے

جو ہر نفَس سے کرے عُمرِ جاوداں پیدا

خودی کی موت سے مشرق کی سر زمینوں میں

ہُوا نہ کوئی خُدائی کا رازداں پیدا

ہوائے دشت سے بُوئے رفاقت آتی ہے

عجب نہیں ہے کہ ہوں میرے ہم عناں پیدا

jahan-e-taza ki afkar-e-taza se hai numud

ke sang-o-khisht se hote nahin jahan paida

khudi mein dubne walon ke azm-o-himmat ne

is abujo se kiye bahr-e-be karan paida

wahi zamane ki gardish pe ghalib ata hai

jo har nafas se kare umr-e-jawedan paida

khudi ki maut se mashriq ki sar zaminon mein

hua na koi khudai ka razdan paida

hawa-e-dasht se bu-e-rifaqat ati hai

ajab nahin hai ke hun mere ham inan paida